Aisa lagta hai Madine jald woh bulwayenge
Jayenge ja kar unhein zakhm dikhlayenge
Woh agar chahenge to aisi nazar farmayenge
Khoob royenge bicharon par bicharein khayenge
Khushk ashk-e-aankhein hain dil bhi sakht hai
Aap hi chahenge to Aaqa hamein tarpayenge
Maut ab to Gumbad-e-Khizra ke saye mein mile
Kab tak Aaqa dar badar ki thokarein hum khayenge
Ae khusha! Taqdeer se gar hum ko manzoori mili
Rakh ke sar dehleez par Sarkar ki mar jayenge
Rote rote gir parenge un ke qadmon mein wahan
Roz-e-mehshar Shafi-e-mehshar nazar jab aayenge
Khuld mein hoga hamara dakhla us shan se
Ya Rasool Allah ka naara lagate jayenge
Hashr mein kaise sambhaloon ga mein apne aap ko
Aamir-e-Attar! aa woh jab wahan farmayenge
Haaye ab ki baar bhi Attar jo zinda bache
Phir Madine se Karachi rote rote aayenge