Allah ko maane jo Muhammad ko na maane
Laareeb woh naari hua inkaar-e-Nabi se
Woh naar-e-jahannam ka hai haqdaar yaqeena
Hai jis ko adawat kisi bhi yaar-e-Nabi se
Ae zaair-e-Taiba! yeh dua kar mere haq mein
Mujh ko bhi bulawa mile darbar-e-Nabi se
Duniya ke nazaron se bhala kya ho surokaar
Ushaaq ko bas ishq hai Gulzar-e-Nabi se
Deewanon ke aansu nahi thamte dam-e-rukhsat
Jab su-e-watan jaate hain darbar-e-Nabi se
Jalwon se khudaya mera seena ho Madeena
Aankhein bhi hon thandi meri deedar-e-Nabi se