Sawal: Yeh she'r durust hai ya nahin?
Arsh-e-Azam pe Rabb sabz gumbad mein tum kyon kahoon mera koi sahara nahin
Main madine se lekin bahut door hoon yeh khalish mere dil ko gawara nahin
Jawab: Is she'r ke ibtedai alfaaz: "Arsh-e-Azam pe Rabb azza-wa-jal" mein bazahir ma'azAllah azza-wa-jal Arsh-e-Azam par Allah azza-wa-jal ka makaan mana gaya hai aur Allah azza-wa-jal ke liye makaan manna kufr-e-lazumi hai. Agar is she'r ki ibtedai mein "Arsh-e-Azam ka Rabb azza-wa-jal" parhein to she'r shar'i giraft se nikal jayega.