Arsh-e-Ula Se Aala Meethay Nabi Ka Rauza

عَرشِ عُلیٰ سے اعلیٰ میٹھے نبی کا روضہ ہے ہر مکاں سے بالا میٹھے نبی کا روضہ کیسا ہے پیارا پیارا یہ سبز سبز گنبد کتنا ہے میٹھا میٹھا میٹھے نبی کا روضہ فِردوس کی بلندی بھی چھو سکے نہ اس کو خُلدِ بریں سے اونچا میٹھے نبی کا روضہ مکّے سے اِس لئے بھی افضل ہوا مدینہ حصے میں اس کے آیا میٹھے نبی کا روضہ کعبے کی عظمتوں کا مُنکر نہیں ہوں لیکن کعبے کا بھی کعبہ میٹھے نبی کا روضہ آنسو چھلک پڑے اور بے تاب ہو گیا دِل جس وقت میں نے دیکھا میٹھے نبی کا روضہ ہوگی شفاعت اُس کی جس نے مدینے آکر خواہ اک نظر بھی دیکھا میٹھے نبی کا روضہ بادل گھیرے ہوئے ہیں بارش برس رہی ہے لگتا ہے کیا سُہانا میٹھے نبی کا روضہ ہِجر و فراق میں جو یارب! تڑپ رہے ہیں اُن کو دکھا دے مولیٰ میٹھے نبی کا روضہ ہِشدہ ہزارِ عالم کا حُسن اِس پہ قرباں دونوں جہاں کا دُولہا میٹھے نبی کا روضہ اُس آنکھ پہ کیوں نہ قربان میری جاں ہو جس آنکھ نے ہے دیکھا میٹھے نبی کا روضہ جس وقت رُوحِ تن سے عطّار کی جُدا ہو ہو سامنے خُدایا میٹھے نبی کا روضہ