Baad-e-Ramzan Eid hoti hai
Rabb ki rehmat mazeed hoti hai
Jis ko Aaqa ki deed hoti hai
Us pe qurban 'Eid' hoti hai
Eid tujh ko mubarak ay saaim!
Roza daaron ki Eid hoti hai
Roza khoro! Khuda ki narazi
Sun lo! Tum par shadeed hoti hai
Teri shetan! Maah-e-Ramzan mein
Kaisi mitti paleed hoti hai!
Roza daaron ke wastay wallah
Maghfirat ki naveed hoti hai
Eid ke din Umar yeh ro ro kar
Bolay: 'Nekon ki Eid hoti hai'
Jo koi Rabb ko karte hain naraz
Un se rehmat ba'eed hoti hai
Film beenon ke haq mein lo yeh
Eid, yaum-e-wa'eed hoti hai
Be-namazon ki roza khoron ki
Kaun kehta hai Eid hoti hai!
Jis ko Aaqa Madinay bulwayein
Us musalman ki Eid hoti hai
Mujh ko 'Eidi' mein do Baqi Aaqa
Jaanay kab meri Eid hoti hai!
Jo bichhar jaye un ki galiyon se
Kiya bhala us ki Eid hoti hai!
Eid Attar us ki hai jis ko
Khwab mein un ki deed hoti hai