Bagh-e-Jannat mein nirali chaman-arai hai
Kya Madina pe fida ho ke bahar aayi hai
Un ke gesu nahi rahmat ki ghata chhayi hai
Un ke abru nahi do qiblon ki yakjai hai
Sangrezon ne hayat-e-abadi payi hai
Nakhunon mein tere ijaz-e-masiha'i hai
Sar-e-baleen unhein rahmat ki ada layi hai
Haal bigra hai to bimar ki ban aayi hai
Jaan-e-guftar to raftar hui rooh-e-rawan
Dam-e-qadam se tere ijaz-e-masiha'i hai
Jis ke hathon ke banaye hue hain husn-o-jamal
Ae haseen teri ada us ko pasand aayi hai
Tere jalwon mein ye aalam hai ke chashm-e-aalam
Taab-e-deedar nahi phir bhi tamashayi hai
Jab teri yaad mein duniya se gaya hai koi
Jaan lene ko dulhan ban ke qaza aayi hai
Sar se pa tak teri surat pe tasadduq hai jamal
Is ko mauzuni-e-aza ye pasand aayi hai
Tere qadmon ka tabarruk yad-e-baiza-e-kaleem
Tere hathon ka diya fazl-e-masiha'i hai
Dard-e-dil kis ko sunaoon mein tumhare hote
Bekason ki isi sarkar mein sunwai hai
Aap aaye to munawwar huin andhi aankhein
Aap ki khak-e-qadam surma-e-bina'i hai
Natwani ka alam ham zu'afa ko kya ho
Hath pakre hue maula ki tawanai hai
Jaan di tu ne masiha-o-masiha'i ko
Tu hi to jaan-e-masiha-o-masiha'i hai
Watan aur is ka tadka sadqe is shaam-e-ghareebi par
Ke noor-e-rukn-e-shaami raush-e-subh-e-munawwar hai
Huye imaan taza bosa-e-rukn-e-yamani se
Fida ho jaaun yumn-o-aimani ka paak manzar hai
Yeh zamzam is liye hai jis liye is ko piye koi
Usi zamzam mein jannat hai usi zamzam mein kausar hai
Shifa kyun kar na payein neem jaan zehr-e-ma'asi ke
Ke nazara-e-iraqi rukn ka tiryaq-e-akbar hai
Safa-e-qalb ke jalway ayan hain sa'i-e-mas'a se
Yahan ki be-qarari bhi sukoon-e-jaan muztar hai
Hua hai peer ka hajj peer ne jin se sharaf paya
Inhi ke fazl se din jumma ka har din se behtar hai
Nahin kuch jumma par mauqoof afzal-o-karam un ke
Jo woh maqbool farma lein toh har hajj hajj-e-akbar hai
Hasan hajj kar liya ka'aba se aankhon ne ziya payi
Chalo dekhein woh basti jis ka rasta dil ke andar hai