Bashar woh hai jis ko teri justuju hai
Wohi lab hai jis par teri guftagu hai
Teri yaad aabadi-e-khana-e-dil
Dilon ki tamanna teri aarzu hai
Usay ek Allah ne ek banaya
Woh har wasf mein la-shareek lahu hai
Main woh sag nahi hoon bohat dar hoon jis ke
Main woh sag hoon jis ka faqat ek tu hai
Namaz o azaan kalma o zikr o khutba
Yeh sab phool hain un ka toh rang o bu hai
Tumhari ye salami namazon mein dakhil
Tasawwur tera shart-e-misl-e-wuzu hai
Tumhari ita'at Khuda ki ibadat
Tera tazkira zikr-e-Haq ho bahu hai
Dam-e-naz'a Saalik ka sar ho tera dar
Yahi dil ki hasrat yahi aarzoo hai