Bayan tum se karoon kis waste mein apni halat ka
Ke jab tum par ayaan hai har dam saari khilqat ka
Khudai bhar ke malik ho khudai tum se bahar hai
Na koi hai na hoga hashr tak tum si hukumat ka
Na kyon shah-o-gada pheylayen jholi astane par
Ke rakha Haq ne tere sar pe taj apni niyabat ka
Tu woh hai zill-e-Haq noor-e-mujassam parto-e-qudrat
Pasand aya tere sani ko naqsha teri soorat ka
Mere wali tere sadqe mein hum se nabkaron ne
Laqab Quran mein paya hai Khuda se khair-e-ummat ka
Unhein kya khauf ho uqba ka aur kya fikr-e-duniya ki
Jamaye baithe hain jo dil pe naqsha teri soorat ka