بزمِ محشر منعقد کر میر سامانِ جمال

بزمِ محشر منعقد کر میر سامانِ جمال دل کے آئینوں کو مدت سے ہے ارمانِ جمال اپنا صدقہ بانٹا آتا ہے سلطانِ جمال جھولیاں پھیلائے دوڑیں بے نوایانِ جمال جس طرح سے عاشقوں کا دل ہے قربانِ جمال ہے یوں ہی قربان تیری شکل پر جانِ جمال بے حجابانہ دکھا دو اک نظر آنِ جمال صدقے ہونے کے لئے حاضر ہیں خواہانِ جمال تیرے ہی قامت نے چمکایا مقدر حُسن کا بس اسی اِکے سے روشن ہے شبستانِ جمال رُوح لے گی حشر تک خوشبوئے جنت کے مزے گر بسا دے گا کفن عطرِ گریبانِ جمال مر گئے عُشاق لیکن ہے چشمِ منتظر حشر تک آنکھیں تجھے ڈھونڈیں گی اے جانِ جمال پیشگی ہی نقدِ جاں دیتے چلے ہیں مشتری حشر میں کھولے گا یارب کون دُکانِ جمال عاشقوں کا ذکر کیا معشوق عاشق ہو گئے انجمن کی انجمن صدقے ہے اے جانِ جمال تیری ذریت کا ہر ذرہ نہ کیوں ہو آفتاب سَرِ زمینِ حُسن سے نکلی ہے یہ کانِ جمال بزمِ محشر میں حسیں سب جُھک رہے ہیں پر نظر تیری اُٹھتی ہے اے جانِ جمال آرہی ہے ظُلمتِ شب ہائے غم پیچھا کئے نُورِ یزداں ہم کو لے لے زیرِ دامنِ جمال وسعتِ بازارِ محشر ہے اس کے حضور کس جگہ کھولے کسی کا حُسن دُکانِ جمال خوب رویاں جہاں کو بھی یہی کہتے سُنا تم ہو شانِ حُسنِ جانِ حُسنِ ایمانِ جمال