دل میں ہو میرے جائے محمد ﷺ
سر میں رہے سودائے محمد ﷺ
فرش کی زینت رونقِ جنت باعثِ خلقت مظہر وحدت
عرش کی عزت پائے محمد ﷺ
طور پہ پہنچے حضرتِ موسیٰ چوتھے فلک پر حضرتِ عیسیٰ
عرشِ معلّیٰ جائے محمد ﷺ
قبلۂ کعبہ روضہ والا عرش سے اعلیٰ قبرِ معلّیٰ
جانِ جہاں ہے صحرائے محمد ﷺ
جن و ملائک حور و غلماں سب ہیں نام اُن پہ قرباں
کون نہیں جو آئے محمد ﷺ
حق نے انہیں بے مثل بنایا زمین پر کیوں کر سایہ
نورِ خدا اعضائے محمد ﷺ
جب کہ فرشتے قبر میں آئیں ذکرِ سوال کا لب پر لائیں
میں یہ کہوں شیدائے محمد ﷺ