Do aalam goonjte hain naara-e-Allah-u-Akbar se
Azanon ki sadayen aa rahi hain haft-e-kishwar se
Karoon yaad-e-Nabi mein aise naale deeda-e-tar se
Ke dhal jayen gunah la-tuaad mere register se
Khuda ne noor-e-Maula se kiya makhlooq ko paida
Sabhi kaun-o-makaan mushtaq huye is ek masdar se
Woh surat jis se haq ka khaas jalwa aashkara hai
Use tashbeeh de sakte hain kab hum maah-o-akhtar se
Kuch aisa josh par hai 'Man Raani Qad Raal Haq'
Khajal hain mehr-o-mah bhi aap ke rooye-munawwar se
Nahi hai aur na ho sakta hai baad un ke Nabi koi
Hua zahir ye Khatm-ul-Anbiya ki mohr-e-anwar se