Gunahgar kya balkay hain ambiya bhi
Teri zaat par fakhr farmane wale
Jaga de khudaya mera bakht-e-khufta
Ghulamon ki qismat ko chamkane wale
Jo aalam ko karte hain roshan mah-o-khor
Woh hain tere zarrron se sharmane wale
Idhar bhi koi boond gesu ka sadqa
Mere abr-e-rehmat ke barsane wale
Jo achon ki qismat mein hai jaam-e-tera
Badon ko bhi ek boond maikhane wale
Hai jin ka wazifa AGHISNI HABIBI
Yeh hain un ki imdad farmane wale
Jo duniya mein munkir-e-istianat
Woh honge qayamat mein pachtane wale