Hai zikr-e-mere lab par har subh-o-sham tera
Main kya hoon sari khalqat leti hai naam tera
Har cheez ka tu nazir aur har makan mein hazir
Zahir mein hai agarcheh Taibah maqam tera
Har aankh dekhti hai tere hi rukh ka jalwah
Har kaan sun raha hai pyare kalam tera
Tu naib-e-Khuda hai mehboob-e-Kibriya hai
Hai mulk mein Khuda ke jaari nizam tera
Maalik tujhe banaya makhlooq ka Khuda ne
Is waaste likha hai har shay pe naam tera
Tere Khuda ne tujh ko qudrat har ek ata ki
Ik mojiza hai pyare Yuhyil-izam tera