ہر ایک گل میں ہے رنگ اُن کا زبانِ بلبل پہ اُن کا نغمہ

ہر ایک گل میں ہے رنگ اُن کا زبانِ بلبل پہ اُن کا نغمہ ہے سب کی آنکھوں میں نور اُن کا وہ سب کے دل میں مقیم بھی ہیں عطا کیے ہیں لقب خدا نے ہمارے آقا کو کیسے پیارے امین بھی ہیں مکین بھی ہیں عزیز بھی ہیں عظیم بھی ہیں میں ان کا بندہ وہ میرے مولیٰ وہ میرے مالک میں ان کا بندہ خدا کے فضل و کرم سے آقا حفیظ بھی ہیں کریم بھی ہیں انہیں کے سر پر ہے تاجِ عزت انہیں کے باعث ہے ساری خلقت نہ کیوں ہوں مالک وہ عرشِ حق کے حبیب بھی ہیں کلیم بھی ہیں عفو ہو تم عزیز ہو تم وکیل ہو تم کفیل ہو تم تمہارے بندے ہیں ہم اگرچہ سقیم بھی ہیں اشیم بھی ہیں جمیلؔ رضوی کو غمِ عذابِ الیم کیوں ہو مدینے والے ہیں اس کے سر پر مدد پہ غوثِ عظیم بھی ہیں