Har khata tu darguzar kar bekas-o-majboor ki, hawa hi maghfirat har bekas-o-majboor ki
Ya Ilahi! kar de poori az paye Ghous-o-Raza, aarzooye deed-e-Sarwar bekas-o-majboor ki
Zindagi aur maut ki hai ya Ilahi kashmakash, jaan chale teri raza par bekas-o-majboor ki
Aala Illiyeen mein Yarab! use dena jagah, rooh chale jab nikal kar bekas-o-majboor ki
Ho Baqi-e-Pak ki Allah! poori aarzoo, az paye Hasnain-o-Haider bekas-o-majboor ki
Wasta noor-e-Muhammad ka tujhe pyare khuda, gor-e-teera kar munawwar bekas-o-majboor ki
Aap ke baithe Madine mein paye Ghous-o-Raza, haziri ho ya Nabi! har bekas-o-majboor ki
Aamna ke laal! sadqa Fatima ke laal ka, door sham-e-ranj-o-gham kar bekas-o-majboor ki
Nafs-o-shaitan ghalib aaye lo khabar ab jald tar, Yarasool Allah! aakar bekas-o-majboor ki
Kehte rehte hain dua ke waste bande tere, kar de poori aarzoo har bekas-o-majboor ki
Jis kisi ne bhi dua ke waste Yarab! kaha, ae Habib-e-Rab-e-Dawar! bekas-o-majboor ki
Bahr-e-khak-e-Karbala hoon door aafat-o-bala, ae Habib-e-Rab-e-Dawar bekas-o-majboor ki
Aap khud tashreef laye bekas ki taraf, aah! jab nikli tarap kar bekas-o-majboor ki
Ae Madine ke musafir! tu wahan gham ki ghata, un se kehna khoob ro kar bekas-o-majboor ki
Hok uthi, rooh tarpi, jab Madina phat gaya, jaan thi ghamgeen-o-muztar bekas-o-majboor ki
Aap ke qadmon mein gir kar maut ki ya Mustafa, aarzoo kab aaye gi bar, bekas-o-majboor ki
Naama-e-Attar mein husn-e-amal koi nahin, laaj rakhna roz-e-mahshar bekas-o-majboor ki