ھو مبارک اھلِ ایماں عیدِ میلادُ النبی

ہو مبارک اہل ایماں عید میلاد النبی ہو گئی قسمت درخشاں عید میلاد النبی خوب خوش ہیں حور و غلماں عید میلاد النبی ہر ملک مسرور و شاداں عید میلاد النبی چار سو ہیں کیا چھما چھم رحمتوں کی بارشیں جھومتے ہیں ابرِ باراں عید میلاد النبی نور کی پھوہار برسی چار سو ہے روشنی ہو گیا گھر گھر چراغاں عید میلاد النبی چار جانب دھوم ہے سرکار کے میلاد کی جھومتا ہے ہر مسلماں عید میلاد النبی عرش پر چاروں طرف صلِ علیٰ کی دھوم ہے آگئے ہیں نورِ یزداں عید میلاد النبی غُچے چٹکے، پھول مہکے ہر طرف آئی بہار ہو گئی صبحِ بہاراں عید میلاد النبی جانتے ہو کیوں ہے روشن آسماں پر کہکشاں ہے کیا حق نے چراغاں عید میلاد النبی ہم نہ کیوں روشن کریں گھر گھر دیے میلاد کے خود کرے حق چراغاں عید میلاد النبی عید میلاد النبی تو عید کی بھی عید ہے بالیقیں ہے عیدِ عیداں عید میلاد النبی عید میلاد النبی پر جو بھی کرتا ہے خوشی اس پہ غراتا ہے شیطاں عید میلاد النبی آمنہ کے گھر محمدؐ کی ولادت ہو گئی خوب جھومو اہلِ ایماں عید میلاد النبی آؤ دیوانو! چلو سب آمنہ کے گھر چلیں نور سے بھر لائیں داماں عید میلاد النبی خوب جھومو اے گنہگارو! تمہاری عید ہے ہو گیا بخشش کا ساماں عید میلاد النبی غم کے مارو! بے سہارو! بس تمہاری عید ہے ہو گیا راحت کا ساماں عید میلاد النبی بیقرارو! دلفگارو! بس تمہاری عید ہے کیوں ہو حیراں و پریشاں عید میلاد النبی غم نصیبو! اب غموں کا دُور اندھیرا ہو گیا تم مناؤ خوب خوشیاں عید میلاد النبی کھل اُٹھے مرجھائے دل اور جان میں جان آ گئی آگئے ہیں جانِ جاں آں عید میلاد النبی بے کسوں کے دن پھرے اور غم کے مارے ہنس پڑے ہو گیا خوشیوں کا ساماں عید میلاد النبی إن شاء اللہ آج عیدی میں ملے گی مغفرت ہے جبھی شیطاں پریشاں عید میلاد النبی یا نبی! اپنی ولادت کی خوشی میں غم دیجئے طیبہ کے سلطان عید میلاد النبی عید میلاد النبی کا واسطہ عطار کو بخش دے اے ربِ رحماں عید میلاد النبی