Hum Pe Nazar-e-Karam Tajdar-e-Haram

ہم پہ نظرِ کرم، تاجدِارِ حرم نیک بن جائیں ہم، تاجدِارِ حرم دردِ عصیاں مٹے، عادتِ بد چھٹے شاہِ عرب و عجم، تاجدِارِ حرم نفس و شیطان کا، آہ! غلبہ ہوا یانی ہو کرم، تاجدِارِ حرم یکساں ہوں مدح و ذم، مجھ کو، کر دو کرم کچھ خوشی ہو نہ غم، تاجدِارِ حرم بدکلامی نہ ہو، یاوہ گوئی نہ ہو بولوں میں کم سے کم، تاجدِارِ حرم رکھوں نیچی نظریں، اِدھر یا اُدھر کچھ نہ دیکھوں کرم، تاجدِارِ حرم اشکباری کروں، آہ و زاری کروں ہو نگاہِ کرم، تاجدِارِ حرم عشقِ خلاق دے، حُسنِ اخلاق دو ہو نگاہِ کرم، تاجدِارِ حرم خوب مخلص بنوں، میں ریا سے بچوں ہو نگاہِ کرم، تاجدِارِ حرم آفتیں جائیں ٹل، مشکلیں بھی ہوں حل کر دو ایسا کرم، تاجدِارِ حرم ہوں دُرود و سلام، آقا لب پر مدم ہر گھڑی دم بدم، تاجدِارِ حرم بد خصائل ٹلیں، سیدھے رستے چلیں، کر دو آقا کرم، تاجدِارِ حرم ہو گیا گر عذاب، اے رسالت مآب، سہہ سکیں گے نہ ہم، تاجدِارِ حرم خُلد کی دو سند، از طفیلِ صمد، یا شفیعِ اُمم، تاجدِارِ حرم روزِ محشر شہا! مجھ گنہگار کا، آپ رکھنا بھرم، تاجدِارِ حرم ظاہر و باطن ایک، آقا ہو کر دو نیک، یا شفیعِ اُمم، تاجدِارِ حرم اپنا دیوانہ کر، مست و مستانہ کر، شہریارِ ارم، تاجدِارِ حرم اب مدینے بلا، سبز گنبد دکھا، چوموں خاکِ حرم، تاجدِارِ حرم صبر و ہمت ملے، دل کو راحت ملے، کر دو ایسا کرم، تاجدِارِ حرم کاش آئے وہ پل، روتے روتے نکل، جائے قدموں میں دم، تاجدِارِ حرم کاش! ہوتا شہا، جسم عطّار کا، خاکِ طیبہ میں ضم، تاجدِارِ حرم