جاں بلب ہوں آمری جاں الْغِیَاث

جاں بَلَب ہوں آ مری جاں الْغِیَاث ہوتے ہیں کچھ اور ساماں الْغِیَاث دَرد مندوں کو دوا ملتی نہیں اے دوائے دَردمنداں الْغِیَاث جاں سے جاتے ہیں بے چارے غریب چارہ فرمائے غریباں الْغِیَاث حد سے گزریں دَرد کی بے دردیاں دَرد سے بے حد ہوں نالاں الْغِیَاث بے قراری چین لیتی ہی نہیں اے قرارِ بے قراراں الْغِیَاث حسرتیں دِل میں بہت بے چین ہیں گھر ہوا جاتا ہے زِنداں الْغِیَاث خاک ہے پامال میری گو بُگو اے ہوائے گُوئے جاناں الْغِیَاث الْمَدَد اے زُلفِ سرور اَلْمَدَد ہوں بلاؤں میں پریشاں الْغِیَاث دِل کی اُلجھن دُور کر گیسوئے پاک اے کرم کے سُنبُلاں الْغِیَاث اے سَرِ پُرنور اے رہبرِ خدا ہوں سراسیمہ پریشاں الْغِیَاث غمزدوں کی شام ہے تاریک رات اے جبیں اے ماہِ تاباں الْغِیَاث اَبرو شہ کاٹ دے زنجیرِ غم تیرے صدقے تیرے قرباں الْغِیَاث دِل کے ہر پہلو میں غم کی پھانس ہے میں فدا مژگانِ جاناں الْغِیَاث چشمِ رحمت آ گیا آنکھوں میں دَم دیکھ حالِ خستہ حالاں الْغِیَاث مُردنگ اے مہرِ نورِ ذاتِ بخت ہیں سیہ بختی کے ساماں الْغِیَاث تیرِ غم کے دِل میں چھد کر رہ گئے اے نگاہِ مہرِ جاں الْغِیَاث اے کرم کی کان اے گوشِ حُضور سُن لے فریادِ غریباں الْغِیَاث عارضِ رنگیں خزاں کو دُور کر اے جناں آرا گلستاں الْغِیَاث بینی پُرنور حالِ ماہِ بہ ہیں ناک میں دَم ہے مری جاں الْغِیَاث جاں بَلَب ہوں جاں بَلَب پر رحم کر اے لَب اے عیسیٰ دُوراں الْغِیَاث اے تبسّم غنچائے دِل کی جاں کھل چلیں مُرجھائی کلیاں الْغِیَاث اے دہن اے چشمہ آبِ حیات مَر مٹے دے آبِ حیواں الْغِیَاث دُرِ مقصد کے لئے ہوں غرقِ غم گوہرِ شاداب دنداں الْغِیَاث اے عمامہ دُوِ گردش دور کر گرد پھر پھر ہوں قرباں الْغِیَاث نیچے نیچے دامنوں والی عبا خوار ہے خاکِ غریباں الْغِیَاث پڑ گئی شامِ الم میرے گلے جلوۂ صبحِ گریباں الْغِیَاث کھول مشکل کی گرہ بندِ قبا بندِ غم میں ہوں پریشاں الْغِیَاث آستیں نقدِ عطا در آستیں بے نوا ہیں اشک ریزاں الْغِیَاث چاک اے چاکِ جگر کے بخیہ گر دل ہے غم سے چاک جاناں الْغِیَاث عیب کھلتے ہیں گدا کے روزِ حشر دامنِ سلطانِ خوباں الْغِیَاث دورِ دامن دور دورہ ہے تیرا دور کر دوری کا دوراں الْغِیَاث ہوں فُسُردہ خاطر اے گُلگوں قبا دل کھلا دیں تیری کلیاں الْغِیَاث دل ہے ٹکڑے ٹکڑے پیوندِ لباس اے پناہِ خستہ حالاں الْغِیَاث ہے پھٹے حالوں مرا رختِ عمل اے لباسِ پاکِ جاں الْغِیَاث نعلِ شہ عزت ہے میری تیرے ہاتھ اے وقارِ تاجِ شاہاں الْغِیَاث اے شرک نعلِ پاکِ مصطفیٰ زیرِ نیشتر ہے رگِ جاں الْغِیَاث شانۂ شہ دل ہے غم سے چاک چاک اے انیسِ سینہ چاکاں الْغِیَاث سرمہ اے چشم و چراغِ کوہِ طور ہے سیہ شامِ غریباں الْغِیَاث ٹوٹا ہے دم میں ڈورا سانس کا ریشۂ مسواکِ جاناں الْغِیَاث آئینہ اے منزلِ انوارِ قدس تیرہ بختی سے ہوں حیراں الْغِیَاث سخت دشمن ہے حسن کی تاک میں المدد محبوبِ یزداں الْغِیَاث خمیدہ سر گرفتارِ قضا ہے کشیدہ خنجرِ جلاد یا غوث اندھیری رات جنگل میں اکیلا مدد کا وقت ہے فریاد یا غوث کھلا دو غنچہ خاطر کہ تم ہو بہارِ گلشنِ ایجاد یا غوث مرے غم کی کہانی آپ سُن لیں کہوں میں کس سے یہ روداد یا غوث رہوں آزاد قیدِ عشق کب تک کرو اس قید سے آزاد یا غوث کرو گے کب تک اچھا مجھ برے کو مرے حق میں ہے کیا ارشاد یا غوث غمِ دنیا غمِ قبر و غمِ حشر خدارا کر دے مجھ کو شاد یا غوث حسّن منگتا ہے دیدے بھیک داتا رہے یہ راج پاٹ آباد یا غوث