Fatima Zahra ka jis din aqd tha
Sun lo un ke saath kya naqd tha
Ek chadar sattarwan paiwand ki
Mustafa ne apni dukhtar ko jo di
Ek toshak jis ka chamre ka ghilaf
Ek takiya ek aisa hi lihaf
Jis ke andar oon na resham na rui
Balkeh is mein chhaal khur ki bhari
Ek chakki peene ke waste
Ek mashkeeza tha paani ke liye
Ek lakdi ka pyala saath mein
Nuqrai kangan ki jodi haath mein
Aur gale mein haar haathi daant ka
Ek joda bhi khadaun ka diya
Shah zadi Sayyid-ul-Konain ki
Be sawari hi Ali ke ghar gayi
Waste jin ke bane dono jahan
Un ke ghar theen seedhi saadhi shadiyan
Is jahez-e-pak par lakhon salam
Sahib-e-Lau-lak par lakhon salam