Jo sidq-e-dil se tumhara ghulam ho jaye
Toh uss pe aatish-e-dozakh haram ho jaye
Nazool-e-rehmat-e-haq bhi isi taraf ko ho
Jidhar woh sarwar-e-aali maqam ho jaye
Ilahi jis ke sabab se yeh arsh-o-farsh bane
Usi ka mere bhi dil mein qayam ho jaye
Khuda kare ke Madine ka ho safar har saal
Hamari umr isi mein tamam ho jaye
Tumhare rauda-e-aqdas pe mera dam nikle
Firaq-o-wasl ka qissa tamam ho jaye