Ka'aba ka naam tak na liya Taiba hi kaha
Poocha tha hum se jis ne ke nahzatu kidhar ki hai
Ka'aba bhi hai unhi ki tajalli ka ek zill
Roshan inhi ke aks se putli-e-hajar ki hai
Hote kahan Khalil-o-bina Ka'aba-o-Mina
Loolak wale saahibi sab tere ghar ki hai
Moula Ali ne wari teri neend par namaz
Aur woh bhi asr se jo a'ala khatar ki hai
Siddiq balkay ghaar mein us pe de chuke
Aur hifz-e-jaan toh jaan farosh-e-gharar ki hai
Haan! Tu ne un ko jaan unhein pher di namaz
Par woh toh kar chuke thay jo karni bashar ki hai
Sabit hua ke jumla fara'iz furoo' hain
Asl-ul-usool bandagi us tajwar ki hai
Shar khair shor soor door naar noor
Bashri ke bargah ye khair-ul-bashar ki hai
Mujrim bulaye aaye hain ja'ooka hai gawah
Phir radd ho kab ye shaan kareemon ke dar ki hai
Bad hain magar unhi ke hain baghi nahi hain hum
Najdi na aaye is ko ye manzil khatar ki hai
Tuf-e-Najdi na kufr na islam sab pe harf
Kafir udhar ki hai na idhar ki udhar ki hai
Hakim hakeem daad-o-dawa dein ye kuch na dein
Mardood ye muraad kis aayat khabar ki hai
Shakl-e-bashar mein Noor-e-Ilahi agar na ho
Kya qadr us khameer-e-maaye-o-madar ki hai
Noor-e-Ilah kya hai mohabbat Habeeb ki
Jis dil mein ye na ho woh jagah khook-o-khar ki hai
Zikr-e-Khuda jo un se juda chaho Najdiyo!
Wallah zikr-e-haq nahi kunji saqar ki hai
Be un ke wasta ke Khuda kuch ata kare
Hasha ghalat ghalat ye hawas be-basar ki hai
Maqsood ye hain Aadam-o-Nooh-o-Khaleel se
Tukhm-e-karam mein saari karamat samar ki hai
Un ki nabuwat un ki ubuwwat hai sab ko aam
Umm-ul-bashar unhi ke pisar ki hai
Zahir mein mere phool haqiqat mein mere nakhl
Is gul ki yaad mein yeh sada bual-bashar ki hai
Pehele ho un ki yaad ke paaye jala namaz
Yeh kehti hai azaan jo pichhle pehar ki hai