Kaise kon-o-makan roshan teri tanveer ke qurban
Tu pohancha la-makan pyare teri tauqeer ke qurban
Rukh-o-zulf-e-Nabi ko dekh kar kehta hai aaina
Arab ke chand mein bhi hoon teri tanveer ke qurban
Nabi ki khaak-e-paa ikseer-e-azam se bhi barh kar hai
Main kyun aye kimiyagar hoon teri ikseer ke qurban
Faseehan-e-Arab hairan ho ho kar ye kehte the
Rasoolullah ki taqreer-e-pur-tanveer ke qurban
Hazaron dushmanon ko ek dam mein kar liya banda
Rasoolullah ke khutbe teri taseer ke qurban