Khuda ki khalq mein sab ambiya khas
Garoh-e-ambiya mein Mustafa khas
Nirala husn-e-andaz-o-ada khas
Tujhe khason mein haq ne kar liya khas
Teri nemat ke sail khas ta aam
Teri rehmat ke talib aam ta khas
Shareek is mein nahi koi payambar
Khuda se hai jo tujh ko wasta khas
Gunahgaro na ho mayus-e-rehmat
Nahi hoti karimon ki ata khas
Gada hoon khas rehmat se mile bheek
Na main khas aur na meri iltija khas