Kis darja hai roshan tan-e-mehboob-e-Ilah
Jame se ayaan rang-e-badan hai wallah
Kapre ye nahi mailey hain is gul ke Raza
Faryad ko aayi hai siyahi gunah
Hai jalwagah-e-noor-e-Ilahi woh ru
Qawsain ki manind hain dono abru
Aankhein ye nahi sabza-e-mizhgan ke qareeb
Charte hain fiza-e-la-makan mein ahoo
Ma'doom na tha saya-e-Shah-e-Saqlain
Is noor ki jalwagah thi zaat-e-Hasnain
Tamseel ne is saya ke do hissey kiye
Aadhey se Hasan baney aadhey se Hussain
Dunya mein har aafat se bachana Maula
Uqba mein na kuch ranj dikhana Maula
Baithoon jo dar-e-pak-e-Paighambar ke huzoor
Imaan par us waqt uthana Maula
Khaliq ke kamal hain tajaddud se bari
Makhlooq ne mehdood tabiyat payi
Biljumla wujood mein hai ik zaat-e-Rasool
Jis ki hai hamesha roz-afzoon khoobi
Hoon kar do to gardoon ki bina gir jaye
Abroo jo khinche tegh-e-qaza kar jaye
Ae Sahab-e-Qawsain bas ab rad na kare
Seh hoon se teer-e-bala phir jaye
Nuqsan na de ga tujhe isyan mera
Gufran mein kuch kharch na ho ga tera
Jis se tujhe nuqsan nahi kar de maaf
Jis mein tera kuch kharch nahi de Maula