Jis ne dikhaya Taiba-o-Qibla tum hi to ho
Jis mein Nabi ko dekha woh sheesha tum hi to ho
Ahl-e-nazar ke tum hi to ho matmah-e-nazar
Aur ahl-e-dil ke dil ki tamanna tum hi to ho
Tum waris-e-uloom-e-habib-e-ilah ho
Aur nasir-e-shariat-e-baiza tum hi to ho
Is gulistan-e-deen ki tum hi bahaar ho
Aur bazm-e-sunniyat ka ujala tum hi to ho
Deen ke Naeem, mazhar-e-shaan-e-Mueen ho
Kamzor-o-be-nawa ka sahara tum hi to ho
Sab ahl-e-aql sadr-e-afazil na kyun kahein
Woh sab hain khatam un ke nageena tum hi to ho
Hai Najdiyon ke qalb mein aara tumhari zaat
Aur sunniyon ki aankh ka tara tum hi to ho
Taqreer jis ki qahr-e-Ilahi adu pe hai
Aur ahl-e-deen pe rahmat-e-Maula tum hi to ho
Jis ka qalam ki neza-e-batil-shikan bana
Aur deen-e-Mustafa ka hai paya tum hi to ho
Ham sab thay jahl ki shab-e-tareek mein phansay
Shab jis se kat gayi woh savera tum hi to ho
Dil ki murad aap ki khushnudi-e-mizaaj
Aur Saalik-e-faqeer ke mansha tum hi to ho
Guzari umr saari khidmat-e-Deen-e-Muhammad mein
Dil-o-jaan se Mueen-e-Deen-e-Khatm-ul-Mursaleen tum ho
Tumhari deed hum sab khadimon ki eid hai Aaqa
Qarar-e-beqararan aur rahat-e-qalb-e-hazein tum ho
Munawwar aap se hai bazm-e-imani-o-aiqani
Siraj-e-bazm-e-irfan sahib-e-ilm-ul-yaqeen tum ho
Na kyun ahl-e-zaban Fakhr-ul-Amayil aap ko manein
Amayil-e-Khatam-e-Deen aur Khatam ke nageen tum ho
Hawa go hai mukhalif aur hain a'day-e-Deen darpai
Magar kya khauf ho Salik ko jab us ke Mueen tum ho