Ho gaya tujh se Khuda naraz agar
Qabr sun le aag se jayengi bhar
Umr mein choti hai gar koi namaz
Jald ada kar le tu ghaflat se baz
Ae jawari tu jue se baz aa
Warna phans jayega jis din tu mara
Ae milawat karne wale maan ja
Khauf kar bhai azaab-e-naar ka
Chhor do ae tajro! kam tolna
Jhoot chhoro bechne mein bolna
Bhaiyon ka dil dukhana chhor do
Aur tamsakhur bhi urana chhor do
Sood-o-rishwat mein najasat hai bari
Neez dozakh mein saza hogi kari
Dil dukhana chhor dein maa baap ka
Warna hai is mein khasara aap ka
Badgumani, jhoot, ghibat, chughliyan
Chhor de tu Rabb ki nafarmaniyan
Mat nikalo gandi galiyan
Ye gunah ka kaam hai sun lo miyan
Tu nashe se baz aa mat pi sharab
Do jahan ho jayenge warna kharab
Film mein ki aankh mein mahshar mein aag
Aah! Bhar jayengi tu filmon se bhag
Band bajon se tu koson door bhag
Warna dozakh ki tujhe khayegi aag
Mat bajao bhaiyo! tum taliyan
Is tarah ki chhor do nadaniyan
Ae meri behno! sada parda karo
Tum gali kuchon mein mat phirti raho
Apne dewar jeth se parda karo
In se hargiz be-takalluf mat bano
Warna sun lo qabr mein jab jaogi
Saanp bichhoo dekh kar chillaogi
Ae behan apne miyan ko mat sata
Jab maregi payegi is ki saza
Bhai haq mat marna ghar bar ka
Warna hoga mustahiq tu naar ka
Ya Ilahi! Nek kar Attar ko
Bakhsh de tu bakhsh de badkar ko