Mubarak ho Habib-e-Rabb-e-Akbar aane wale hain

Jo hai gustakh-e-Mustafa us ko, main ne dil se nikaal rakha hai Kis qadar bakhtwar hai woh momin, jis ke paas un ka baal rakha hai Muflisi ka main kyun karun shikwa, ne'maton se nihaal rakha hai Maal ki hirs mat karo is mein, do jahan ka wabaal rakha hai Yeh karam hi to un ka hai Attar, Tujh nikam'me ko paal rakha hai Mubarak ho Habib-e-Rabb-e-Akbar aane wale hain Mubarak! Anbiya ka aaj afsar aane wale hain Andheron mein bhatakte phirne walon ko mubarak ho Tumhein haq se milane aaj rehbar aane wale hain Mubarak bad-naseebon ko mubarak ho ghareebon ko Jahan mein be-bason ka saya gastar aane wale hain Gunahgaro na ghabrao na karo gham khao Sunno muzdah! Shafi-e-roz-e-mahshar aane wale hain Liye parcham utar aaye hain Jibreel aasman se aaj Jahan mein aaj Maula ka payambar aane wale hain Karo ghar ghar charaghan sabz parcham aaj lehrao Machao Marhaba ki dhoom sarwar aane wale hain Agar na aaj jhoomo ge to kab jhoomo ge diwano! Machal jao tumhara aaj yaawar aane wale hain Tarawat kyun na hasil ho mere qalb-o-jigar ko aaj Jahan mein Bahr-e-Rehmat ka shanawar aane wale hain Dil-e-ghamgeen ko mil jaye ga saman-e-rahat ka Suroor-e-dil, qarar-e-jaan-e-muztar aane wale hain Jo hai sardar, aalam ke sabhi sajda guzaron ka Khuda ka aaj woh saccha sanagar aane wale hain Mubarak gham ke maro! gham galat ho jayen ge saare Habib-e-Haq mudawa-e-gham aa le kar aane wale hain Jahan mein zulmaton ka chaak hoga aaj se seena Khuda ke fazl se Mah-e-munawwar aane wale hain Bi-hamd-e-Allah imaan ab tu mera le nahi sakta Are chal bhaag shaitaan mera yaawar aane wala hai Khabar hai abr-e-rehmat aaj kyun duniya pe chhaaye hain Jahan mein rehmaton ka aaj paikar aane wala hai Mubarak ho Haleema Sa'diya tujh ko mubarak ho Teri godi mein kul aalam ka sarwar aane wala hai Utho ta'zeem ki khatir ke ghar mein Aamina ke ab Wiladat ka woh lamha kaif-awar aane wala hai Uthao sabz parcham aur chalo sab Aamina ke ghar Lutaane rehmatein Haq ka Paighambar aane wala hai Tasalli to rakho sairab bhi ho jaoge Attar Chhalakta jaam le kar Shah-e-Kauthar aane wala hai