Mujh ko pahuncha de khuda Ahmed-e-Mukhtar ke paas
Hal-e-dil arz karun Sayyed-e-Abrar ke paas
Jis ko dekho woh isi dar pe chala aata hai
Bheer hai shah-o-gada ki dar-e-sarkar ke paas
Be-talab jis ko jo chahein woh ata karte hain
Sab khazane hain mere malik-o-mukhtar ke paas
Daulat-o-fazl-o-karam ne'mat-o-jah-o-iqbal
Konsi cheez nahi hai mere sarkar ke paas
Badshahan-e-jahan dast-e-nagar hain un ke
Hath phailaye khade rehte hain darbar ke paas