Mujhay Bakhsh De Be-Sabab Ya Ilahi

مجھے بخش دے بے سبب یا الہی نہ کرنا کبھی بھی غضب یا الہی گناہوں نے ہائے کہیں کا نہ چھوڑا میں کب تک پھروں خوار اب یا الہی پئے شاہِ بطحا بری چھوٹ جائیں بُری عادتیں سب کی سب یا الہی بڑا حج پہ آنے کو جی چاہتا ہے بلاوا اب آئیگا کب یا الہی میں مکے میں آؤں مدینے میں آؤں بنا کوئی ایسا سبب یا الہی میں دیکھوں مدینے کا گلشن دکھادے تو دشت و جبل عرب یا الہی کرم ایسا کر دے مدینے میں آکر گزاروں میں پھر روز و شب یا الہی دکھا دے بہارِ مدینہ دکھا دے پئے تاجدارِ عرب یا الہی سلیقہ شعاری کا میں ہوں بھکاری مٹے ہوئے شور و شغب یا الہی ملے بیقراری کروں آہ وزاری ترے خوف سے پیارے رب یا الہی کروں عالموں کی کبھی بھی نہ توہین، بنا دے مجھے با ادب یا الہی حسین ابن حیدر کے صدقے میں مولیٰ، ٹلیں آفتیں میری سب یا الہی زمانے کی فکروں سے آزاد کر دے، مٹا غم عطا کر طرب یا الہی جو مانگا وہ دے مجھ کو وہ بھی عطا کر، نہیں کر سکا جو طلب یا الہی مسلماں مسلماں کے خوں کا پیاسا، ہوا وقت آیا عجب یا الہی سبھی ایک ہو جائیں ایمان والے، بنے شاہ عالی نسب یا الہی کبھی تو مجھے خواب میں میرے مولیٰ، ہو دیدار ماہِ عرب یا الہی خدایا بُرے خاتمے سے بچا لے، گنہگار ہے جاں بلب یا الہی نظر میں محمدؐ کے جلوے بسے ہوں، چلوں اس جہاں سے میں جب یا الہی پسِ مرگ ہو روزِ روشن کی مانند، مری قبر کی تیرہ شب یا الہی گناہوں سے عطارؔ کو دے معافی کرم کر، نہ کرنا غضب یا الہی