Mujhe Madine ki do ijazat, Nabi Rehmat Shafi-e-Ummat

Mujhe Madine ki do ijazat, Nabi Rehmat Shafi-e-Ummat Pilao bulwa ke jaam-e-ulfat, Nabi Rehmat Shafi-e-Ummat Agar nahi meri aisi qismat, sada huzoori ki paun lazzat Rulaye mujh ko tumhari furqat, Nabi Rehmat Shafi-e-Ummat Ata ho mujh ko gham-e-Madina, tapan jigar chaak chaak seena Barhay mohabbat ki khoob shiddat, Nabi Rehmat Shafi-e-Ummat Lagao seenay mein aag aisi, qarar paye na dil kabhi bhi Rulaye har dam tumhari ulfat, Nabi Rehmat Shafi-e-Ummat Main naam par teray waari jaun, main ishq mein teray ghar lutaun Milay woh jazba milay woh himmat, Nabi Rehmat Shafi-e-Ummat Hussain Ibn-e-Ali ka sadqa, hamaray Ghous-e-Jali ka sadqa Ata Madine mein ho shahadat, Nabi Rehmat Shafi-e-Ummat Har ik Nabi har wali ka sadqa, tujhay teri har gali ka sadqa De Taiba mein marnay ki sa'adat, Nabi Rehmat Shafi-e-Ummat Imam Ahmed Raza ka sadqa, hamaray Murshid Zia ka sadqa Baqi-e-Gharqad karo inayat, Nabi-e-Rehmat Shafee-e-Ummat Waseela Khulafa-e-Rashideen ka, tamam as-haab-o-tabieen ka Jawar-e-Jannat mein ho inayat, Nabi-e-Rehmat Shafee-e-Ummat Mujhe tum aisi do himmat Aaqa, doon sab ko neki ki dawat Aaqa Banado mujh ko bhi naik khaslat, Nabi-e-Rehmat Shafee-e-Ummat Qaleel rozi pe do qana'at, fuzool goi se dedo nafrat Durood parhta rahoon bakasrat, Nabi-e-Rehmat Shafee-e-Ummat Gunah ke daldal se ab nikalo, mujhe sambhalo mujhe bachalo Kahin na ho jaoon tabah-o-gharat, Nabi-e-Rehmat Shafee-e-Ummat Banado sabr-o-raza ka paikar, banoon khush-akhlaq aisa sarwar Rahe sada narm hi tabee'at, Nabi-e-Rehmat Shafee-e-Ummat Na ho ata is ko maal-o-daulat, na deeje Attar ko hukoomat Yeh tera talib hai jaan-e-rehmat, Nabi-e-Rehmat Shafee-e-Ummat