Mujhe tum maslak-e-Ahmad Raza par istiqamat do
Banoon khidmat guzar-e-Ahl-e-Sunnat Ya Rasool Allah
Tumhara hi to yeh lutf o karam hai Rahmat-e-Aalam!
Zia-ud-din Madani se hai nisbat Ya Rasool Allah
Madine ki judai mein jo be-chare tadapte hain
Unhein de do Madine ki ijazat Ya Rasool Allah
Musalman baaz aajayein Shaha! fashion parasti se
Karam kar do banein paband-e-Sunnat Ya Rasool Allah
Mere wabastagan ki aur mere sare qabile ki
Tumhein! Iblees se karna hifazat Ya Rasool Allah
Umar ka wasta aada-e-deen barbad ho jayein
Mile har ek hasid ko hidayat Ya Rasool Allah
Shahan is ijtima-e-pak mein jitne musalman hain
Ho sab ki maghfirat ho sab pe rahmat Ya Rasool Allah
Tera Attar aana chahta hai tere roze par
Ata ho haziri ki phir sa'adat Ya Rasool Allah