Na Arsh-e-Aiman Na Inni Zahib Mein Mehmam Hai

نہ عَرشِ ایمن نہ اِنِّی ذَاہِب میں مہمان ہے نہ لُطفِ اُذْن یا اَحمد نصیبِ لَنْ تَرَانی ہے نصیب دوستاں گراں اُن کے در پہ موت آنی ہے خدایوں ہی کرے پھر تو ہمیشہ زندگانی ہے اُسی در پہ تڑپتے ہیں پلکتے ہیں اٹھا جاتا نہیں کیا خوب اپنی ناتوانی ہے ہر اِک دیوار و در پر مہر نے کی ہے جبیں سائی نگارِ مسجدِ اَقدس میں کب سونے کا پانی ہے ترے منگتا کی خاموشی شفاعت خواہ ہے اُس کی زبانِ بے زبانی ترجمانِ خستہ جانی ہے گھلے کیا رازِ محبوب و محبّ مستانِ غفلت پر شرابِ قَد رَأی الْحَق زِیبِ جامِ مَن رَانی ہے جہاں کی خاکروبی نے چمن آرا کیا تجھ کو صبا ہم نے بھی اُن گلیوں کی کچھ دن خاک چھانی ہے شہاکیا ذات تیری حق نما ہے فردِ امکاں میں کہ تجھ سے کوئی اوّل ہے نہ تیرا کوئی ثانی ہے کہاں اس کو شکِ جانِ جناں میں زَر کی نقاشی ارم کے طائرِ رنگِ پریدہ کی نشانی ہے ذِیَاب فِی ثِیَابِ لب پہ کلمہ دل میں گستاخی سلامِ اسلامِ ملحد کو کہ تسلیمِ زبانی ہے یہ اکثر ساتھ اُن کے شانہ و مسواک کا رہنا بتاتا ہے کہ دل ریشوں پہ زاہد مہربانی ہے اسی سرکار سے دنیا و دیں ملتے ہیں سائل کو یہی دربارِ عالی کنزِ آمال و امانی ہے درودیں صورتِ ہالہ محیطِ ماہِ طیبہ ہیں برستا امتِ عاصی پہ اب رحمت کا پانی ہے تَعَالٰی اللہ استغنا ترے در کے گداؤں کا کہ ان کو عارض و شوکت صاحب قرانی ہے وہ سرگرمِ شفاعت ہیں عرق افشاں ہے پیشانی کرم کا عطرِ صندل کی زمیں رحمت کی گھانی ہے یہ سر ہوا اور وہ خاکِ در وہ خاکِ در ہوا اور یہ سر رضا وہ اگر چاہیں تو اب دل میں یہ ٹھانی ہے