Na kyun ho mujh ko muqaddar pe apne naaz agar
Sagan-e-Taiba mein mera bhi naam ho jaye
Nazar se door ho ek pal agar jamal-e-huzoor
Mareez-e-ishq ko jeena haram ho jaye
Yeh keh raha hai Fatarza ke ghair mumkin hai
Khilaf-e-marzi-e-mehboob kaam ho jaye
Adab se sharam se munh dhanp le kare sajda
Jo samne kabhi mah-e-tamam ho jaye
Shikar mujh ko na kar nafs hoon ghulam-e-huzoor
Na tukre tukre kahin tera daam ho jaye
Jameel-e-Qadri Razvi ka khatma-bil-khair
Tufail-e-Hazrat-e-Khair-ul-Anaam ho jaye