نغمۂ روح

اے کریم ابنِ کریم اے رہنما اے مقتدا اخترِ برجِ سخاوت گوہرِ دُرّج عطا آستانے پر ترے حاضر ہے یہ تیرا گدا لاج رکھ لے دست و دامن کی مرے بہرِ خدا روئے رحمت بر متاب اے کامِ جاں از روئے من حُرمتِ روحِ پیمبر یک نظر کن سوئے من شاہِ اقلیمِ ولایت سرورِ گیواں جناب ہے تمہارے آستانے کی زمیں گردوں قِباب حسرتِ دل کی کشاکش سے ہیں لاکھوں اضطراب التجا مقبول کیجے اپنے سائل کی شتاب روئے رحمت بر متاب اے کامِ جاں از روئے من حُرمتِ روحِ پیمبر یک نظر کن سوئے من سالکِ راہِ خدا کو رہنما ہے تیری ذات مسلکِ عرفانِ حق میں پیشوا ہے تیری ذات بے نوایانِ جہاں کا آسرا ہے تیری ذات تشنہ کاموں کے لئے بحرِ عطا ہے تیری ذات رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن ہر طرف سے فوجِ غم کی ہے چڑھائی اَلغیاث کرتی ہے پامال یہ بے دست و پائی اَلغیاث پھر گئی ہے شکلِ قسمت سب خُدائی اَلغیاث اے مرے فریاد رس تیری دُہائی اَلغیاث رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن نفسِ اَمارہ کے پھندے میں پھنسا ہوں اَلعیاذ در ترا بیکس پنہ کوچہ ترا عالمِ ملاذ رحم فرما یا ملاذی لُطف فرما یا معاذ حاضر در ہے غلامِ آستاں بہرِ نواز رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن شہرِ یارا اے ذی وقار اے باغِ عالم کی بہار بحرِ احساں رَشحۂ نیساں جُودِ کردگار ہوں خزاں غم کے ہاتھوں پائمالی سے دُچار عرض کرتا ہوں ترے در پر بچشمِ اشکبار رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن بر سرِ پرخاش ہے مجھ سے عدوئے بے تمیز رات دن ہے در پئے قلبِ حزیں نفسِ رجیز مبتلا ہے سو بلاؤں میں مری جاںِ عزیز حَلِ مشکل آپ کے آگے نہیں دُشوار چیز رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن اک جہاں سیراب فیضِ ابر ہے اب کی برس تَرنوا ہیں بلبلیں پڑتا ہے گوشِ گُل میں رَس ہے یہاں کشتِ تمنا خشک و زندانِ قفس اے سحابِ رحمت حق سوکھے دھانوں پر برس رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن فصلِ گُل آئی عروسانِ چمن ہیں سَبزہ پوش شادمانی کا نواسنجانِ گلشن میں ہے جوش جو بنوں پر آگیا حُسنِ بہارِ گُل فروش ہائے یہ رنگ اور میں یوں دام میں گُم کردہ ہوش رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن مُنکشف کس پر نہیں شانِ مُعلّیٰ کا عُروج آفتابِ حق نما ہو تم کو ہے زیبا عُروج میں حَضیضِ غم میں ہوں امداد ہو شاہا عُروج ہر ترقی پر ترقی ہو بڑھے دُونا عُروج رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن تائب ہو پائمالِ لشکرِ افکارِ رُوح تابکے ترساں رہے بے مونس و غمخوارِ رُوح ہو چلی ہے کاوشِ غم سے نہایت زارِ رُوح طالبِ امداد ہے ہر وقت اے دلدارِ رُوح رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن دبدبہ میں ہے فلک شوکت ترا اے ماہِ کاخ دیکھتے ہیں ٹوپیاں تھامے گدا و شاہِ کاخ قصرِ جنت سے فُزوں رکھتا ہے عِز و جاہِ کاخ اب دکھا دے دیدۂ مشتاق کو لِلہ کاخ رُوئے رحمت برمتِاب اے مَہِ جاں اَز رُوئے مَن حُرمتِ رُوحِ پیمبر یک نظر کُن سُوئے مَن بدلیاں چھائیں ہوا بدلی ہوئے شاداب باغ غُنچے چٹکے پھول مہکے بس گیا دل کا دماغ آہ اے جورِ قفس دل ہے کہ محرومی کا داغ واہ اے لطفِ صبا گل ہے تمنا کا چراغ روئے رحمت برمتِ اب اے کام جاں آزرُوئے مَن حُرمتِ رُوحِ پیمبر یک نظر کُن سُوئے مَن آساں ہے قوسِ فکر میں تیرِ میرا دل ہدف نفس و شیطاں ہر گھڑی کف پر لب و خنجر بکف مُنتظر ہوں میں کہ اب آئی صدائے لا تخف سرورِ دیں کا تصدُّق بہرِ سلطانِ نجف روئے رحمت برمتِ اب اے کام جاں آزرُوئے مَن حُرمتِ رُوحِ پیمبر یک نظر کُن سُوئے مَن بڑھ چلا ہے آج کل احباب میں جوشِ نفاق خوش مذاقانِ زمانہ ہو چلے ہیں بد مذاق سیکڑوں پردوں میں پوشیدہ ہے حُسنِ اتفاق برسرِ پیکار ہیں آگے جو تھے اہلِ وفاق روئے رحمت برمتِ اب اے کام جاں آزرُوئے مَن حُرمتِ رُوحِ پیمبر یک نظر کُن سُوئے مَن ڈر درندوں کا اندھیری رات صحرا ہولناک راہ نا معلوم رعشہ پاؤں میں لاکھوں مغاک دیکھ کر ابرِ سیہ کو دل ہوا جاتا ہے چاک آئیے امداد کو ورنہ ہوتا ہوں ہلاک روئے رحمت برمتِ اب اے کام جاں آزرُوئے مَن حُرمتِ رُوحِ پیمبر یک نظر کُن سُوئے مَن