Naimatein banta jis simt woh zeeshan gaya
Saath hi munshi-e-rehmat ka qalam-daan gaya
Le khabar jald ke ghairon ki taraf dhyan gaya
Mere maula mere aqa tere qurban gaya
Aah woh aankh ke nakam tamanna hi rahi
Haye woh dil jo tere dar se pur arman gaya
Dil hai woh dil jo teri yaad se mamoor raha
Sar hai woh sar jo tere qadmon pe qurban gaya
Unhien jana unhien mana na rakha ghair se kaam
Lillahil hamd mein duniya se musalman gaya
Aur tum par mere aqa ki inayat na sahi
Najdiyo! Kalma parhane ka bhi ehsan gaya
Aaj le un ki panah aaj madad maang un se
Phir na manenge qayamat mein agar maan gaya
Uff re munkir yeh barha josh-e-ta'assub aakhir
Bheer mein haath se kambakht ke iman gaya
Jaan o dil hosh o khirad sab to madine pohanche
Tum nahi chalte Raza to saman gaya
Ashk jaari ho jaate
Zikr-e-Rasool ke waqt Sahaba-e-Kiraam Radi Allahu Ta'ala Anhum par riqqat taari ho jaati aur ashk jaari ho jaate chunancha Sayyiduna Abdullah ibn Umar Radi Allahu Ta'ala Anhuma jab Rasool Allah Sallallahu Ta'ala Alaihi Wasallam ka tazkira farmate to aankhon se aansu rawan ho jaate thay.
(Al-Tabaqat al-Kubra li-Ibn Sa'ad, Tazkirat Abdullah bin Umar, J 4, S 127, Dar al-Kutub al-Ilmiyah Beirut) Kaash! Hamein bhi yeh sa'adat naseeb ho jaati!
Ronay wali aankhein rona sab ka kaam nahi
Zikr-e-mohabbat aam hai lekin soz-e-mohabbat aam nahi