Phir ata kar dijiye Hajj ki sa'adat Ya Rasul
Ho Madine ki ijazat bhi inayat Ya Rasul
Hajj ka mausam agaya, tuj ne bandhi kamar
Mere Hajj ki bhi koi ho jaye surat Ya Rasul
Chal pade hain qafil'on par qafle su-e-Hijaz
Main raha jata hun haye! Jaan-e-Rehmat Ya Rasul
Ya Rasul Allah! Sadqa Fatima ke laal ka
Dijiye mujh ko Madine ki ijazat Ya Rasul
Sabz gumbad ki faza'on mein bula lo mujhe
Az paye Shah-e-Imam-e-Ahl-e-Sunnat Ya Rasul
Gar meri taqdeer mein doori likhi hai Ya Nabi
Har ghadi mujh ko laye teri furqat Ya Rasul
Sadqa Siddiq o Umar Usman o Haider ka huzoor
Gham Madine ka mujhe kar do inayat Ya Rasul
Dil se duniya ki mohabbat door kar ke dijiye
Apni ulfat apni chahat dard-e-ruqat Ya Rasul
Taj-e-sultani hai meri thokaron par Ya Nabi
Tera na'al-e-pak mera taj-e-izzat Ya Rasul
Toot jaye dam Madine mein Shaha! Attar ka
Aur Baqi-e-Pak mein ban jaye turbat Ya Rasul