Rusiyahon par karam ae do jahan ke Tajdar

رُوسیاہوں پر کرم اے دو جہاں کے تاجدار اپنے غم میں اپنی الفت میں رلاؤ زار زار حُسنِ گلشن میں سراسر ہے فریب اے دوستو! دیکھنا ہے حُسن تو دیکھو عرب کے ریگزار راہ بھولا آہ منزل سے بھٹک کر رہ گیا ساتھ لے لو اے عرب کے مہرباں ناقہ سوار ہم غریبوں کو مدینے میں بلا لو یانبی! واسطہ احمد رضا کا دو جہاں کے تاجدار گر مقدر میں مرے دوری لکھی ہے یانبی! کاش! اُلفت میں تری روتا رہوں میں زار زار اُن کا دیوانہ عمامہ اور زُلف و ریش میں واہ! دیکھو تو سہی لگتا ہے کتنا شاندار کاش! خدمت سنتوں کی میں سدا کرتا رہوں اہل سنت کا سدا بن کے رہوں خدمت گزار ہیں علی مشکل کشا سایہ کناں سر پر مرے لَا فَتٰی اِلَّا عَلِی لَا سَیْفَ اِلَّا ذُو الْفَقَار یا شہیدِ کربلا! ہو دُور ہر رنج و بلا اب مدد کو آؤ دشتِ کربلا کے شہسوار المدد یا غوثِ اعظم دشتِ گیرِ بے کساں پھنس گئی ہے ناؤ طوفاں میں لگا دیں آپ پار یا مُعین الدین! آؤ اب مدد کے واسطے ہو کرم بدحال پر اے چشتیوں کے تاجدار یا امامِ احمد رضا! صدقہ ضیاء الدین کا ہو کرم کی اک نظر اے سنیوں کے تاجدار مصطفےٰ والے ترے عطارؔ ڈر کس بات کا کارگر ہوگا نہ تجھ پر دشمنوں کا کوئی وار