Ya Ilahi reham farma Mustafa ke waaste
Ya Rasool Allah karam keeje Khuda ke waaste
Mushkilein hal kar Shah-e-Mushkil Kusha ke waaste
Kar balayen rad Shaheed-e-Karbala ke waaste
Syed-e-Sajjad ke sadqe mein sajid rakh mujhe
Ilm-e-Haq de Baqir-e-Ilm-e-Huda ke waaste
Sidq-e-Sadiq ka tasaddaq Sadiq-ul-Islam kar
Be-ghazab raazi ho Kazim aur Raza ke waaste
Bahr-e-Ma'roof-o-Sari Ma'roof de be-khud sari
Jund-e-Haq mein gin Junaid-e-Ba-Safa ke waaste
Bahr-e-Shibli Sher-e-Haq dunya ke kutton se bacha
Ek ka rakh Abd-e-Wahid be-riya ke waaste
Bul-Farah ka sadqa kar gham ko farah de Hasan-o-Sa'ad
Bul-Hasan aur Bu-Saeed-e-Sa'ad-za ke waaste
Qadri kar Qadri rakh Qadriyon mein utha
Qadir-e-Abdul Qadir-e-Qudrat-numa ke waaste
Ahsan-ullah-lahum-rizqan se de rizq-e-Hasan
Banda-e-Razzaq-e-Taj-ul-Asfiya ke waaste
Nasr-e-Abi Saleh ka sadqa Saleh-o-Mansoor rakh
De hayaat-e-deen Muhayy-e-jaan-faza ke waaste
Toor-e-irfan-o-ulu-o-hamd-o-husn-o-baha
De Ali Musa Hasan Ahmad Baha ke waaste
Bahr-e-Ibrahim mujh par naar-e-gham gulzar kar
Bheek de Daata bhikari baadshah ke waaste
Khana-e-dil ko ziya de roo-e-imaan ko jamaal
Shah-e-Ziya Maula Jamal-ul-Auliya ke waaste
De Muhammad ke liye rozi kar Ahmad ke liye
Khwan-e-Fazl-ullah se hissa gada ke waaste
Deen-o-dunya ke mujhe barkaat de barkaat se
Ishq-e-Haq de Ishqi-e-Ishq-e-Intima ke waaste
Hub-e-Ahl-e-Bait de Aal-e-Muhammad ke liye
Kar Shaheed-e-Ishq Hamza peshwa ke waaste
Dil ko achha tan ko suthra jaan ko pur-noor kar
Achhe pyare Shams-e-Deen Badr-ul-Ula ke waste
Do jahan mein khadim-e-Aal-e-Rasool Allah kar
Hazrat-e-Aal-e-Rasool-e-Muqtada ke waste
Sadqa un a'yaan ka de chhe ain azm-o-amal
Afw-o-irfan afiyat Ahmad Raza ke waste