Shehanshah-e-Baghdad Ya Ghous-e-Azam Suno Meri Faryad Ya Ghous-e-Azam
Bula Lijiye Baghdad Ya Ghous-e-Azam Sunai Hai Roodad Ya Ghous-e-Azam
Laga Kar Mujhe Apne Qadmon Se Murshid Mera Dil Karo Shad Ya Ghous-e-Azam
Tere Paak Jalwon Se Ya Peer-o-Murshid Mera Dil Ho Aabad Ya Ghous-e-Azam
Pila Jaam Aisa Siwa Tere Aqa Na Kuch Bhi Rahe Yaad Ya Ghous-e-Azam
Mere Qalb Se Hub-e-Duniya Ki Murshid Ukhar Jaye Bunyaad Ya Ghous-e-Azam
Rahe Mujh Pe Meethi Nazar Murshadi Gar Pare Kuch Na Afaad Ya Ghous-e-Azam
Tere Hote Ya Peer! Ranj-o-Alam Ki Karoon Kis Se Faryad Ya Ghous-e-Azam
Tere Dar Ke Mangte Sab Aghwas-o-Aqtab Aur Abdal-o-Awtad Ya Ghous-e-Azam
Mukarram Sheha Tere Sare Ke Sare Hain Aaba-o-Ajdaad Ya Ghous-e-Azam
Sheha Kash! Dar Ka Bana Leti Kutta Mujhe Teri Aulaad Ya Ghous-e-Azam
Rahein Shaad-o-Aabad Aalam Mein Mere Sabhi Ghar Ke Afraad Ya Ghous-e-Azam
Mujhe Pyare Gyarah Bhi Barah Bhi Pachees Ke Lagte Hain Adaad Ya Ghous-e-Azam
Adu Qatl Karne Ke Dar Pe Huwa Hai Madad Shah-e-Baghdad Ya Ghous-e-Azam
Adu To Mukhalif The Pehle Hi Se Ab Barha Zor Hussad Ya Ghous-e-Azam
Gunahon Ne Mujh Ko Kahin Ka Na Chora Na Ho Jaon Barbad Ya Ghous-e-Azam
Mujhe Nafs-e-Zalim Pe Kar Dijiye Ghalib Ho Nakaam Humzaad Ya Ghous-e-Azam
Dam-e-Naz'a Deedar Ki Bheek Dena Chale Jaan Meri Shad Ya Ghous-e-Azam
Griftar-e-Ranj-o-Bala Yeh Gada Hai Karo Aakar Azad Ya Ghous-e-Azam
"Yeh Attar Mera Hai" Murshid Khudara
Suna Do Yeh Irshad Ya Ghous-e-Azam