Shukriya Aap Ka Baghdad Bulaya Ya Ghaus

شکریہ آپ کا بغداد بلایا یا غوث مجھ گنہگار کو مہمان بنایا یا غوث مرتبہ یوں ترا خالق نے بڑھایا یا غوث اولیا کا تجھے سلطان بنایا یا غوث یادِ طیبہ سے بسا دیجے سینہ میرا عرض یہ شہرِ کراچی سے ہوں لایا یا غوث میں نکما تو کسی کام کے قابل ہی نہ تھا مجھ سے بے کار کو تم نے ہی نبھایا یا غوث قابلِ رشک ہے واللہ وہ قسمت والا تو نے سُنتا جسے اپنا ہے بنایا یا غوث قلبِ مُردہ کو بھی ٹھوکر سے جلا دو مُرشِد بالیقیں تم نے تو مُردوں کو جلایا یا غوث آفتوں میں ہوں گرفتار مدد کو آؤ آہ! دنیا کے غموں نے ہے ستایا یا غوث لا تخف حشر میں کہتے ہوئے آ جانا تم جیسے دنیا میں یہ ارشاد سنایا یا غوث تیرے دامن سے لپٹ کر میں مچل جاؤں گا مجھ کو جس دم سرِ محشر نظر آیا یا غوث میں جہنم میں نہ آب جاؤں گا ان شاء اللہ رہنما تم کو جو میں نے ہے بنایا یا غوث شاہِ بغداد! ہو عطار پہ نظرِ رحمت! خالی کاسہ لئے ہے دُور سے آیا یا غوث