Soya hua naseeb jaga deejiye Huzoor
Meetha Madina mujh ko dikha deejiye Huzoor
Ab "chal Madina" ka mujhe mardah sunaiye
Rotey hue ko ab to hansa deejiye Huzoor
Phir sabz gumbad aur wo minar ki bahar
Ghous o Raza ka sadqa dikha deejiye Huzoor
Maskeen hoon, ghareeb hoon palley nahi hai kuch
Kharcha safar ka deejiye na deejiye Huzoor
Arafat aur Muzdalifah aur Mina chaloon
Hajj karloon haq se izn dila deejiye Huzoor
Khulafa-e-Rashideen ke sadqey mein ya Nabi!
Khwabon mein apna jalwa dikha deejiye Huzoor
Sail gham-e-Madina ka hoon Shah-e-Bahr o Bar
Mujh ko gham-e-Madina Sheha deejiye Huzoor
Ahmad Raza ka wasta ulfat ka saqiya
Mujh ko chhalkata jaam pila deejiye Huzoor
Har waqt soz-e-ishq mein tarpa karoon Sheha
Aag aisi mere dil mein laga deejiye Huzoor
Zehra ke ladlon ka waseela main laya hoon
Pur-sooda dil ko mere khila deejiye Huzoor
Sadqa Shaheed-e-Karbala ka Shah-e-Anbiya
Deewana Madina bana deejiye Huzoor
Ya Mustafa main ulfat-e-dunya mein phans gaya
Is qaid se khudara chura deejiye Huzoor
Pur-khar wadiyon mein bhatak main reh gaya
Bhooley hue ko raah dikha deejiye Huzoor
Tauba nibah mein nahi pata hoon ya Nabi!
Ab istiqamat aap Sheha deejiye Huzoor
Dar lag raha hai aah! Jahannam ki aag se
Bakhshish ka mujh ko mardah suna deejiye Huzoor
"Qufl-e-Madina" deejiye Murshid ka wasta
Khamosh rehna mujh ko sikha deejiye Huzoor
Attar bad-khisal ka isyan-e-shiar ka
Dil-e-murda ho chuka hai jala deejiye Huzoor
Ya Rasool Allah! Tere chahne walon ki khair
Sab ghulamon ka bhala ho sab karein Taiba ki sair
Kaashke hijr-e-Madina mujh ko rakhe be-qarar
Chain hi aaye na mujh ko yaad-e-Taiba ke baghair
Ya Nabi ab to Madine mein mujhe bulwaiye
Hu muyassar ba-adab phir aap ki galiyon ki sair
Kaash! Taiba mein shahadat ka ata ho jaye jaam
Jalwa-e-Mehboob mein anjam mera ho bakhair
Faltu baaton ki aadat door ho jaye Huzoor!
Ho zaban par meri aksar aap hi ka zikr-e-khair
Aa-id Aqa fard-e-isyan ho gayi kar de karam
Kaun hai jo bakhshwaye ga mujhe tere baghair
Tez hai talwar ki bhi dhaar se ye Pul-e-Sirat
Tum sambhala do kahin phisal mera na pair
Ummat-e-Mehboob ka ya Rabb bana de khair-khwah
Nafs ki khatir kisi dil mein mere ho na bair
Jaam aisa apni ulfat ka pila de Saqiya
Naat sun kar halat-e-Attar ho ro ro ke ghair