Sultan-e-Awliya ko hamara salam ho Jilani ke peshwa ko hamara salam ho
Pyare Hasan-o-Hussain ke ladle Mehboob-e-Mustafa ko hamara salam ho
Woh Ghous jis ke khauf se jinat kaanp uthen us dafa-e-bala ko hamara salam ho
Chhora hai maan ka doodh bhi maah-e-siyam mein sartaj-e-atqiya ko hamara salam ho
Sab awliya ki gardanain zer-e-qadam hain sardar-e-asfiya ko hamara salam ho
Dil ki jo baat jaan le roshan zameer hai us mard-e-ba-safa ko hamara salam ho
Bhatke huon ko rasta seedha dikha diya aalam ke rehnuma ko hamara salam ho
Gir te sambhal len, doobti kashtiyan tarayen ghamkhwar-e-gham zada ko hamara salam ho
Puri murad jo kare aur jholiyan bhare us makhzan-e-ata ko hamara salam ho
Izn-e-Khudaye Paak se murday jalaye jo us mazhar-e-Khuda ko hamara salam ho
Keh kar "La Takhaf" hamen be-khauf kar diya us rehmat-e-Khuda ko hamara salam ho
Parhte raho mudam yeh Attar Qadri Sultan-e-Awliya ko hamara salam ho