Sunnat ki bahaar aayi Faizan-e-Madina mein

Sunnat ki bahaar aayi Faizan-e-Madina mein Rahmat ki ghata chhayi Faizan-e-Madina mein Is shehar ke aaye hain bahar se bhi aaye hain Sarkar ke shaidayi Faizan-e-Madina mein Daarhi hai amame hain zulfon ki baharein hain Shaitan ko sharm aayi Faizan-e-Madina mein Lamhat-e-Musarrat hain deewane bade khush hain Kyun jhoome na har bhai Faizan-e-Madina mein Sunnat ki bahaaron ka kuch aisa sama chhaya Fashion ko haya aayi Faizan-e-Madina mein Ulfat ke ukhuwwat ke kya khoob manazir hain Goya hain sage bhai Faizan-e-Madina mein Woh log hi aate hain aur faiz uthate hain Taqdeer jinhein layi Faizan-e-Madina mein Apne hon ya begane yun milte hain deewane Jaise ho shanasayi Faizan-e-Madina mein Dard apne dilon mein jo Islam ka rakhte hain Hai un ki pazeerayi Faizan-e-Madina mein Allah karam kar de tu bakhsh de un sab ko Maujood hain jo bhai Faizan-e-Madina mein Sunnat ka liye jazba aaye jo yahan us ki Hai hosla afzayi Faizan-e-Madina mein Iblees-e-La'een sun le ab khair nahi teri Shamat teri aayi Faizan-e-Madina mein Faizan-e-Madina mein Faizan-e-Madina hai Faizan hai Aaqa Faizan-e-Madina mein Faizan-e-Madina hi hai Dawat-e-Islami Faizan hai Maulai Faizan-e-Madina mein Maqbool jahan bhar mein ho Dawat-e-Islami Har lab pe dua aayi Faizan-e-Madina mein Aqa ho karam sab par bulwaye Madine Aaye hain tamannayi Faizan-e-Madina mein Sarkar ata kar do gham sab ko Madine ka Jitne hain yahan bhai Faizan-e-Madina mein Qismat ka sikandar hai zoron pe muqaddar hai Jis ne bhi jagah payi Faizan-e-Madina mein Aaj Aqa ke deewane kya mast hain mastane Attar hai Eid aayi Faizan-e-Madina mein