Sunnat ki bahaar aayi Faizan-e-Madina mein

سنت کی بہار آئی فیضانِ مدینہ میں رحمت کی گھٹا چھائی فیضانِ مدینہ میں اس شہر کے آئے ہیں باہر سے بھی آئے ہیں سرکار کے شیدائی فیضانِ مدینہ میں داڑھی ہے عمامے ہیں زلفوں کی بہاریں ہیں شیطان کو شرم آئی فیضانِ مدینہ میں لمحاتِ مسرت ہیں دیوانے بڑے خوش ہیں کیوں جھومے نہ ہر بھائی فیضانِ مدینہ میں سنت کی بہاروں کا کچھ ایسا سماں چھایا فیشن کو حیا آئی فیضانِ مدینہ میں الفت کے اخوت کے کیا خوب مناظر ہیں گویا ہیں سگے بھائی فیضانِ مدینہ میں وہ لوگ ہی آتے ہیں اور فیض اٹھاتے ہیں تقدیر جنہیں لائی فیضانِ مدینہ میں اپنے ہوں یا بیگانے یوں ملتے ہیں دیوانے جیسے ہو شناسائی فیضانِ مدینہ میں درد اپنے دلوں میں جو اسلام کا رکھتے ہیں ہے ان کی پذیرائی فیضانِ مدینہ میں اللہ کرم کر دے تو بخش دے ان سب کو موجود ہیں جو بھائی فیضانِ مدینہ میں سنت کا لئے جذبہ آئے جو یہاں اس کی ہے حوصلہ افزائی فیضانِ مدینہ میں ابلیس لعیں سن لے اب خیر نہیں تیری شامت تری آئی فیضانِ مدینہ میں فیضانِ مدینہ میں فیضانِ مدینہ ہے فیضان ہے آقا فیضانِ مدینہ میں فیضانِ مدینہ ہی ہے دعوتِ اسلامی فیضان ہے مولائی فیضانِ مدینہ میں مقبول جہاں بھر میں ہو دعوتِ اسلامی ہر لب پہ دعا آئی فیضانِ مدینہ میں آقا ہو کرم سب پر بلوائے مدینے آئے ہیں تمنائی فیضانِ مدینہ میں سرکار عطا کر دو غم سب کو مدینے کا جتنے ہیں یہاں بھائی فیضانِ مدینہ میں قسمت کا سکندر ہے زوروں پہ مقدر ہے جس نے بھی جگہ پائی فیضانِ مدینہ میں آج آقا کے دیوانے کیا مست ہیں مستانے عطار ہے عید آئی فیضانِ مدینہ میں