Sunniyon ke dil mein hai izzat "Waqar-ud-Din" ki
Aaj bhi mamnoon hai millat "Waqar-ud-Din" ki
Aap Allama-o-Mufti aur thay Sheikh-ul-Hadith
Aap bhi hai qalb mein azmat "Waqar-ud-Din" ki
Sirf aalim hi nahi thay aap aalim gar bhi thay
Marhaba thi khoob ilmiyat "Waqar-ud-Din" ki
Be-adad ulama ne zanoo-e-talameez teh kiye
Kya bayan ho shaan-e-ilmiyat "Waqar-ud-Din" ki
InshaAllah kaam aaye gi mujhe roz-e-jaza
Qadr-dani ilm ki ulfat "Waqar-ud-Din" ki
InshaAllah woh baroz-e-hashr bakhsha jaye ga
Jis ko hasil ho gayi nisbat "Waqar-ud-Din" ki
Woh mujassam aajizi thay aur sarapa sadgi
Is liye toh dil mein hai pyet "Waqar-ud-Din" ki
Charpai aur takiya aur lota jaye namaz
Thi sarapa saada hi teenat "Waqar-ud-Din" ki
Charpai par woh hotay aur hum bhi rubaru
Yad aati hai hamein sohbat "Waqar-ud-Din" ki
Aaye din khidmat mein aa kar hum masail poochte
Yad aati hai hamein sohbat "Waqar-ud-Din" ki
Nukta-dani, mooshigafi aur gul afshaniyan
Yad aati hai hamein sohbat "Waqar-ud-Din" ki
Khanda peshani tabassum-rez meethi guftagu
Yad aati hai hamein sohbat "Waqar-ud-Din" ki
In ko seenay se lagaya Mustafa ne khwab mein
Qabil-e-sad rashk hai qismat Waqar-ud-Din ki
Banda-e-badkar hoon! Afsos mein bekar hoon
Kuch na mujh se ho saki khidmat Waqar-ud-Din ki
Sab mureedon ke liye saaray muhibbon ke liye
Saneha jaan soz tha rihlat Waqar-ud-Din ki