Tajdar-e-Haram Ae Shehanshah-e-Deen tum pe har dam karoron durood-o-salam

Tajdar-e-Haram ae Shehanshah-e-Deen tum pe har dam karoron durood-o-salam Tajdar-e-Haram ae Shehanshah-e-Deen tum pe har dam karoron durood-o-salam Ho karam mujh pe ya Sayyid-ul-Mursaleen tum pe har dam karoron durood-o-salam Door reh kar na dam toot jaye kahin kaash! Tayyaba mein ae mere mah-e-mubeen Dafn hone ko mil jaye do gaz zameen tum pe har dam karoron durood-o-salam Koi husn-e-amal paas mere nahin phans na jaun qayamat mein Maula kahin Ae Shafee-e-Umam laaj rakhna tumhein tum pe har dam karoron durood-o-salam Donon aalam mein koi bhi tum sa nahin sab haseenon se barh kar ke tum ho haseen Qasim-e-rizq-e-Rabb-ul-Ula ho tumhein tum pe har dam karoron durood-o-salam Fikr-e-ummat mein raton ko rote rahe aasiyon ke gunahon ko dhote rahe Tum pe qurban jaun mere mah-e-jabeen! tum pe har dam karoron durood-o-salam Phool rehmat ke har dam lutate rahe yan gareebon ki bigri banate rahe Hauz-e-Kausar pe mat bhool jana hamain tum pe har dam karoron durood-o-salam Zulm, kuffar ke sehte rahe phir bhi har aan haq baat kehte rahe Kitni mehnat se ki tum ne tableegh-e-deen tum pe har dam karoron durood-o-salam Maut ke waqt kar do nigah-e-karam kaash is shaan se yeh nikal jaye dam Sang-e-dar par tumhare ho meri jabeen tum pe har dam karoron durood-o-salam Ab Madine mein hum ko bula lijiye aur seena Madina bana dijiye Az paye Ghaus-e-Azam Imam-e-Umam tum pe har dam karoron durood-o-salam Ishq se tere mamoor seena rahe lab pe har dam "Madina Madina" rahe Bas mein deewana ban jaun Sultan-e-Deen tum pe har dam karoron durood-o-salam Door ho jayen duniya ke ranj-o-alam ho ata apna gham dijiye chashm-e-nam Maal-o-daulat ki kasrat ka talib nahin tum pe har dam karoron durood-o-salam Ab bula lo Madine mein Attar ko Apne qadmon mein rakh lo gunahgar ko Koi is ke siwa arzoo hi nahin Tum pe har dam karoron durood-o-salam