Tajdar-e-Haram Ae Shehanshah-e-Deen tum pe har dam karoron durood-o-salam

تاجدارِ حرم اے شہنشاہِ دیں تم پہ ہر دم کروڑوں دُروودوسلام تاجدارِ حرم اے شہنشاہِ دیں تم پہ ہر دم کروڑوں دُروودوسلام ہو کرم مجھ پہ یا سید المرسلین تم پہ ہر دم کروڑوں دُروودوسلام دُور رہ کر نہ دم ٹوٹ جائے کہیں کاش! طیبہ میں اے میرے ماہِ مبیں دَفن ہونے کو مل جائے دو گز زمیں تم پہ ہر دم کروڑوں دُروودوسلام کوئی حُسنِ عمل پاس میرے نہیں پھنس نہ جاؤں قیامت میں مولا کہیں اے شفیعِ اُمم لاج رکھنا تمہیں تم پہ ہر دم کروڑوں دُروودوسلام دونوں عالم میں کوئی بھی تم سا نہیں سب حسینوں سے بڑھ کر کے تم ہو حسیں قاسمِ رِزقِ ربِّ العلیٰ ہو تمہیں تم پہ ہر دم کروڑوں دُروودوسلام فکرِ اُمّت میں راتوں کو روتے رہے عاصیوں کے گناہوں کو دھوتے رہے تم پہ قربان جاؤں مرے مہ جبیں! تم پہ ہر دم کروڑوں دُروودوسلام پھول رحمت کے ہر دم لٹاتے رہے یاں غریبوں کی بگڑی بناتے رہے حوضِ کوثر پہ مت بھول جانا ہمیں تم پہ ہر دم کروڑوں دُروودوسلام ظُلم، کُفار کے سہتے رہے پھر بھی ہر آن حق بات کہتے رہے کتنی محنت سے کی تم نے تبلیغِ دیں تم پہ ہر دم کروڑوں دُروودوسلام موت کے وقت کر دو نگاہِ کرم کاش اس شان سے یہ نکل جائے دم سنگِ در پر تمہارے ہو میری جبیں تم پہ ہر دم کروڑوں دُروودوسلام اب مدینے میں ہم کو بلا لیجئے اور سینہ مدینہ بنا دیجئے از پئے غوثِ اعظم امامِ امم تم پہ ہر دم کروڑوں دُروودوسلام عشق سے تیرے معمور سینہ رہے لب پہ ہر دم ”مدینہ مدینہ“ رہے بس میں دیوانہ بن جاؤں سلطانِ دیں تم پہ ہر دم کروڑوں دُروودوسلام دُور ہو جائیں دنیا کے رنج و الم ہو عطا اپنا غم دیجئے چشمِ نم مال و دولت کی کثرت کا طالب نہیں تم پہ ہر دم کروڑوں دُروودوسلام اب بُلا لو مدینے میں عطار کو اپنے قدموں میں رکھ لو گنہگار کو کوئی اس کے سوا آرزو ہی نہیں تم پہ ہر دم کروڑوں دُروودوسلام