Teen roza ijtima-e-pak ke Multan mein
Har taraf se aa rahe hain qafilay Multan mein
Aaj "Sehra-e-Madina" mein hai kya aayi bahaar
Char su hain rehmaton ke gul khilay Multan mein
Hain al-alami hamara ijtima-e-pak hai
Hain kayi mulkon se aaye qafilay Multan mein
Ijtima-e-pak ya rab! Ibtida ta intiha
Khair se ho khair se ho khair se Multan mein
Mailay mansubay adu ke khaak mein mil jayen sab
De tahaffuz ya khuda ashrar se Multan mein
Niyatein kar lo, karenge infiradi koshishein
Aur milenge barh ke har ek se Multan mein
Sab karo niyat, karenge qafilon mein hum safar
Ab bohat saare banenge qafile Multan mein
Majlis-e-Shura ka jo bhi hai wafadar ae Khuda
Abr-e-Rahmat us pe barsa zor se Multan mein
Ya Khuda woh hajj kare baitha Madina dekh le
गौर se har ek bayaan jo bhi sune Multan mein
Chor daku aa gaye aakar hidayat pa gaye
Be-namazi aakar namazi ban gaye Multan mein
Sunnaton se sab ke chehre jagmagayenge yahan
InshaAllah Mustafa ke faiz se Multan mein
Sunnaton ki tarbiyat ke khoob Madani qafile
Char su honge rawana khair se Multan mein
Madani Inamaat ki dhoomein machate jayenge
Sunnaton ki tarbiyat ke qafile Multan mein
Fazl-e-Rabb se Ahl-e-Haq ka baad-e-hajj sab se bada
Ijtima-e-pak hai yeh khair se Multan mein
Bakhsh de Ya Rabb! sabhi ko aur un ko bilkhusoos
Aaye hain karne safar jo door se Multan mein
Kaash! Ishq-e-Mustafa mein ya Khuda tarpa karoon
Aankh tere khauf se roti rahe Multan mein
Rukn-e-Alam aur Bahauddin ke sadqe Khuda
Ho qabool us ki dua jo bhi kare Multan mein
InshaAllah har dua Attar ab maqbool hai
Hain Khuda ki rehmaton ke dar khule Multan mein