Teri Aamad Hai Maut Aayi Hai

تیری آمد ہے موت آئی ہے جان عیسیٰ تیری دہائی ہے کیوں وطن اپنا چھوڑ آئی ہے کیوں سفر کی بلا اٹھائی ہے سیکڑوں آفتوں میں پھنسنے کو کیوں بدن میں یہ جان آئی ہے اُن کے جلوے ہیں میری آنکھوں میں اچھی ساعت سے موت آئی ہے تم کو دیکھا تو دَم میں دَم آیا آپ آئے کہ جان آئی ہے مر رہا تھا تم آئے جی اُٹھا موت کیا آئی جان آئی ہے اب تو آؤ کہ دم لبوں پر ہے چہرے پر مُردنی بھی چھائی ہے آئے وقت ہے یہ آنے کا دیکھ لیں سب کی جاں پھر آئی ہے زندگی میں نے پائی مر مر کے میں نے جی جی کے موت پائی ہے زندگی کیا تھی جس میں موت آئی زندگی بعدِ مَرگ پائی ہے موت کا اب نہیں ذرا گھٹکا زندگی شبھ گھڑی سے پائی ہے مرتے ہی زندگی ملی مجھ کو موت کے ساتھ جان آئی ہے حسرتِ دیدِ یار میں ہم نے آج مر مر کے موت پائی ہے جو حسیں دیکھا مر مٹا اس پر میں نے مر کے حیات پائی ہے چین کی نیند آج سویا ہوں موت آرام کی سلائی ہے شامتوں نے تمہاری گھیرا ہے موت تم کو یہاں پہ لائی ہے ذبح کر ڈالا تو نے او ظالم نفس تو تو زرا قصائی ہے طاعتِ حق کا نام سنتے ہی تجھ کو کم بخت موت آئی ہے معصیت زہر ہے مگر اوندھے تو نے سمجھا اسے مٹھائی ہے کیا بگاڑا تھا تیرا کیوں بگڑا زہر کی پیالی کیوں پلائی ہے اچھے جو کام کرنے ہیں کرلو جان اپنی نہیں پرائی ہے نوریؔ ہرگز نہیں ہے تو ناری موت اسلام تو نے پائی ہے واہ کیا بات آپ کی نوریؔ کیا ہی اچھی غزل سنائی ہے