Tu Rabb hai mera main banda tera SubhanAllah SubhanAllah
Ae Khaliq-o-Malik Rab-e-Aala SubhanAllah SubhanAllah
Hum mangte hain Tu Mu'ti hai hum bande hain Tu Maula hai
Mohtaj tera har Shah-o-Gada SubhanAllah SubhanAllah
Hum jurm karein toh afw kare hum qahar karein toh mehar kare
Gehre hai jahan ko fazl tera SubhanAllah SubhanAllah
Tu wali hai har be-kas ka Tu hami hai har be-bas ka
Har ek ke liye dar tera khula SubhanAllah SubhanAllah
Raziq hai moor-o-magas ka Tu Ghaffar hai nek-o-bad ka Tu
Hai sab par teri jood-o-ata SubhanAllah SubhanAllah
Hum aibi hain Sattar hai Tu hum mujrim hain Ghaffar hai Tu
Badkaron par bhi aisi ata SubhanAllah SubhanAllah
Tere ishq mein roye murgh-e-sahar tera naam hai marham-e-zakhm-e-jigar
Tere naam pe meri jaan fida SubhanAllah SubhanAllah
Yeh Salik mujrim aaya hai aur khali jholi laya hai
De sadqa Rehmat-e-Aalam ka SubhanAllah SubhanAllah